शिक्षकहरूको काठमाडौंमा प्रदर्शन

 विद्यालय शिक्षा ऐन जारी गर्नुपर्ने मागसहित शिक्षकहरू फेरि आन्दोलनमा उत्रिएका छन्। नेपाल शिक्षक महासंघको अगुवाइमा देशभरका शिक्षकहरूले काठमाडौं केन्द्रित आन्दोलन थालेका हुन्।

विद्यालय शिक्षा ऐन जारी गर्नुपर्ने मागसहित शिक्षकहरू काठमाडौंमा आन्दोलनरत छन्। नेपाल शिक्षक महासंघको नेतृत्वमा देशभरका शिक्षकहरू माइतीघर मण्डलामा भेला भई प्रदर्शन गरिरहेका छन्। उनीहरूले सरकारसँग विगतमा भएका सहमति कार्यान्वयन नगरेको भन्दै असन्तुष्टि व्यक्त गरेका छन्।

                                               

शिक्षक महासंघका अनुसार, सरकारले विगतमा शिक्षकहरूसँग गरेका सहमति अनुसार विद्यालय शिक्षा ऐन जारी नगरेको र त्यसले शिक्षकहरूको पेशागत सुरक्षामा असर परेको छ। महासंघले सरकारलाई तत्काल शिक्षा ऐन जारी गर्न आग्रह गर्दै आन्दोलनलाई निरन्तरता दिने चेतावनी दिएको छ।

                                           

शिक्षकहरूको आन्दोलनका कारण देशभरका सामुदायिक विद्यालयहरू प्रभावित भएका छन्। महासंघले शिक्षकहरूलाई आन्दोलनमा सहभागी हुन आह्वान गरेपछि विद्यालयहरू बन्द भएका छन्। शिक्षकहरूले सरकारसँग वार्ता गरी मागहरू पूरा नभएसम्म आन्दोलन जारी राख्ने बताएका छन्।